گجرات اچ نامعلوم لوکاں فائرنگ کر تے ہکو خاندان دے 5بندیں کوں قتل کر ڈتا

اسلام آباد (پاکستان نیوز پوائنٹ 05ستمبر 2016ء) گجرات اچ نامعلوم مسلح لوکاں فائرنگ کر تے ہکے خاندان دے5 لوکاں کوں قتل کر ڈتا۔ نجی ٹیلی ویژن دے مطابق گجرات دے علاقے معین الدین پورہ اچ نامعلوم مسلح لوکاں گھر اچ وڑ تے اندھا دھند فائرنگ کر ڈتی جیں پاروں ذال پئے اتے بالاں سمیت 5لوک جاں بحق تھی گے ۔پولیس دے مطابق جاں بحق تھیونڑ آلے بالاں دیاں عمراں 12توں 17سال وچال ہن ۔جاں بحق لوکاں دیاں لاشاں پوسٹ مارٹم سانگے نیڑے ہسپتال اچ منتقل کر یندے ہوئیں واقعے دی تحقیقات شروع کر ڈتی ہے ۔