کپاہ دی فصل تے پتہ مروڑ وائرس اتے رس چوسنڑآلے کیڑیاں کوں ویلھے سر مکاونڑ کیتے حفا ظتی اقدامات دی ہدایت

لاہور(پاکستان نیوز پوائنٹ یکم ستمبر 2016ء) کپاہ دی فصل تے رس چوسنڑآلیاں کیڑیاں اتے سنڈیاں دے حملہ دی صورت اچ کا شتکار زرعی ماہراں دے مشورے نال مناسب زہراں دا استعمال کرن۔ زرعی ماہراں دے مطابق پاکپتن، ساہیوال اتے اوکاڑہ دے ضلعیاں ا چ سفید مکھی دے 4،چست تیلہ دے11، تھرپس دے 2، ملی بگ دے 9، لشکری سنڈی دے 5، گلابی سنڈی دے 21 اتے کپاہ دی پتہ مروڑ وائرس دے 13 ہاٹ سپاٹ مشاہدے اچ آئے ہن ۔ ماہراں دا آکھنڑ ہے جو کپاہ دی فصل تے پتہ مروڑ وائرس اتے رس چوسنڑ آلیاں کیڑیاں کوں ویلھے سر مکاونڑ کیتے نائٹروجنی کھاداں دے استعمال دے علاوہ اجزائے صغیرہ زنک ، بوران اتے میگنیشیم دے ہفتہ یا عشرہ دے وقفے نال 3توں 4سپرے کرن۔