اسلام آباد (پاکستان نیوز پوائنٹ یکم ستمبر 2016ء) سول جج جوڈیشل مجسٹریٹ اسلام آباد حفیظ احمد برطانوی یونیورسٹی وچ پڑھاونڑ آلے پروفیسر دے اغواءوچ ملوث ترائے ملزماں کوں ڈو ڈینھ دے جسمانی ریمانڈ تے پولیس دے حوالے کر ڈتا ۔خمیس کوں تھانڑاں کوہسار پولیس ملزم رخسار ،حامد اتے ملزم روشن کوں پیش کر تے موقف اختیار کیتا جو ملزماں ہک تریمت صدف بی بی دی مدد نال پروفیسر سید مبشریوسف کو ںاغواءکیتا اتے ایندی چیک بک حاصل کر تے بینک اکاونٹ وچوں لکھاں روپے کڈھوا گھدے، ملزماں دااغواءوچ شامل ہک گروہ ہے جیندے وچ شامل ڈو ملزم مفرور ہن جڈانجو گرفتار ملزماں کوں سی سی ٹی وی فوٹیج دے زریعے گرفتار کیتا گیا ملزماں دے بئے ساتھیاں دی گرفتاری سانگے جسمانی ریمانڈ دی استدعا کوں منظور کیتا ونجے جیندے تے عدالت ایہ حکم سنڑایا ۔
واضح رہوے جو تھانڑاں کوہسار پولیس ملزماں دے خلاف پروفیسر مبشر یوسف کوں اغواءکرنڑ دے الزام وچ مقدمہ درج کر تے کاروائی شروع کر ڈتی۔
