اسلام آباد (پاکستان نیوزپوائنٹ 24نومبر2017ء) وزیراعظم شاہد خاقان عباسی حیات آباد، پشاور اچ دھماکے دی ودھ ساری مذمت کیتی ہے جیں دے نتیجے اچ سینئر پولیس افسر تے انہاں دا گن مین شہید تھی تے بہوں بے گناہ لوک زخمی تھے ہن ۔جمعے کوں وزیراعظم آفس توںجاری بیان دے مطابق وزیراعظم دہشت گردی دے خلاف جنگ اچ پولیس اہلکاراں دیاں قربانیاں کوں سرہیندیں ہوئیں آکھیا ہے جو شدت پسنداں دیاں بزدلانہ کاروائیاں اساڈے قانون نافذ کرنڑ آلے اداریں تے قوم کوں دہشت گردی دے خلاف جنگ کوں ایںمنطقی انجام تئیں پجاونڑ توں نی روک سگدیاں ،دہشت گردی دی لعنت کوں منڈھوں مکاونڑ دے اساڈے عزم کوں متزلزل نی کیتا ونج سگدا ۔
وزیراعظم واقعے اچ شہید تھیونڑ آلی دے درجات دی بلندی تے انہاں دے لواحقین سانگے صبر دی دعا کیتی ۔وزیراعظم زخمیاں دی وختی چنگی صحت سانگے وی دعا کیتی ۔
