اسلام آباد (پاکستان نیوز پوائنٹ 30اگست 2016ء) معروف تجزیہ کارحسن عسکری آکھیا ہے جو امریکا بھارت معاہدے دے جنوبی ایشیا،چین تے بالواسطہ پاکستان تے منفی اثرتھیسی۔ نجی ٹیلی ویژن نال گالھ مہاڑ کریندے ہوئیں انہاں آکھیا جو امریکہ تے بھارت وچال تھیونڑ آلا معاہدہ ڈوہیں ملکاں ڈوہیں ملکاں دی دفاعی تبدیلی دے پاسے اشارہ ہے ۔ایں معاہدے دے بعد بھارت جنوبی ایشیا تے چین اچ امریکہ دی پالیسی دا مستقل نمائندہ بنڑ گیا ہے ۔
انہاں آکھیا جو ایں معاہدے دے منفی اثرات پاکستان تے وی پمسن ۔انہاں آکھیا جو اگر بھارت کوں امریکہ دی حمایت مل ویندی ہے تاں کھل تے پاکستان دی خارجہ پالیسی دی مخالفت کریسی کیوں جو اے بھارتی پالیسی دا حصہ ہے او پاکستان کوں بدنام کریسی تے دہشت گردی دے حوالے نال پاکستان دے خلاف عالمی سطح تے دھاڑ پٹ کریسی ۔انہاں آکھیا جو ایں ویلھے جیرھی ڈوہیں ملکاں وچال صورت حال نظر امدی پئی ہ ے ایندے نال معلوم تھیندا ہے جو آونڑ آلے کجھ سالاں اچ چین تے امریکہ وچال تعلقات خراب تھیسن ایں صورت اچ بھارت امریکہ دا ساتھ ڈیسی ۔
انہاں آکھیا جو ایجھی صورت حال کوں پاکستان وی منفی انداز اچ ڈیکھسی ۔انہاں آکھیا جو ایں معاہدے دے بعد بھارتی رویہ پاکستان دے خلاف ہوسی ایں سانگے پاکستان دی حکومت کوں چاہیدا ہے جو ایں معاہدے دے خلاف آواز کوں چاوے ۔
