مالی سال دے پہلے ترائے مہینے اچ حب پاور کمپنی دے منافع اچ ترائے فیصد گھٹکی

اسلام آباد (پاکستان نیوزپوائنٹ31اکتوبر2017ء) اجوکے مالی سال دے پہلے ترائے مہینے اچ حب پاور کمپنی دے منافع اچ ترائے فیصد گھٹکی ریکارڈ کیتی گی ۔کمپنی ولوں جاری اعداد شمار دے مطابق اوور ہالنگ دے ودھ کم تے حب پلانٹ تے مرمتی خرچے دی شرح اچ ودھارے دی وجہ توں اگر حب پاور کمپنی دے منافع اچ گزریل سال دے ایں عرصے دے مقابلے اچ ترائے فیصد دی گھٹکی تھی ہے تاں جو مجمو عی ریونیو اچ تقریبا 11فیصد ودھارا ڈیکھنڑ اچ آیا ہے ۔پہلے ترائے مہینے اچ کمپنی دا بعد از ٹیکس منافع 2549ملین روپے ریکارڈ کیتا گیا جڈاں جو گزریل سال دے پہلے ترائے مہینے اچ اے منافع 2652ملین روپے ریکارڈ کیتا گیا ہئی ۔بعد اچ ٹیکس منافع دی شرح اچ تقریبا چار فیصد دی گھٹکی ڈیکھنڑ اچ آئی ہے ۔