حکومت سعودی عرب اچ پھنسنڑآلے پاکستانیاں دے مسئلے حل کرنڑسانگے ٹھوس کوششاں کریندی پئی ہے ، پیر سید صدر الدین شاہ راشدی

حکومت سعودی عرب اچ پھنسنڑآلے پاکستانیاں دے مسئلے حل کرنڑسانگے ٹھوس کوششاں کریندی پئی ہے ، پیر سید صدر الدین شاہ راشدی

اسلام آباد (پاکستان نیوز پوائنٹ 27اگست 2016ء) سمندر پار پاکستانیز اتے انسانی وسائل دی ترقی دے وزیر پیر سید صدر الدین شاہ راشدی آکھے جو حکومت سعودی عرب اچ پھسنڑآلیاں پاکستانیاں دے مسلیاں دے حل سانگے ٹھوس کوششاں کریندی پئی ہے ۔ ایں بارے پاکستانی سفارتخانے ون ونڈو دی سہولت شرو ع کرڈتی ہے ۔ اے گالہیں انہاں اے پی پی کوں انٹرویو ڈیندے ہوئیں آکھیاں۔

وفاقی وزیر پیر صدر الدین شاہ راشدی آکھیاجو ڈو ڈیفالٹرز کمپنیاں اچ 9 ہزار پاکستانی مزدوراں کوں تنخواہواں دی عدم ادائیگی، مراعات دا خاتمہ، اقامہ دی تجدید، ورک پرمٹ دی منتقلی، خوراک اتے صحت دے مسلیاں دا سامنڑاں ہے ۔ سعودی عرب دے پنج ڈینھ دے دورے بارے انہاں آکھیا جو سعودی حکومت ریاض، جدہ اتے طائف سمیت مختلف شہراں اچ 20 کیمپاں اچ راہونڑآلے پاکستانی مزدوراں کوں صحت اتے خوراک دیاں سہولتاں ڈیونڑ کیتے پورے تعاون دا یقین ڈیوایا ہے ۔