اسلام آباد (پاکستان نیوزپوائنٹ12اکتوبر2017ء) امریکہ اچ پاکستان دے سفیر اعزاز چوہدری آکھیا ہے جو پاکستان امریکہ دے نال تعلقات کوں قدر دی نگاہ نال ڈیکھدا ہے۔ بدھ کوں واشنگٹن ڈپلومیٹس ماہانہ اخبار دے زیر اہتمام ”ایمبیسڈرز انسائیڈر سیریز“ پروگرام اچ مہمان خصوصی دی حیثیت نال اظہار خیال کریندے ہوئیں انہاں آکھیا جو پاکستان اتے امریکہ وچال تعلقات ست دہائیوں تے محیط ہن، پاکستان امریکہ دے نال تعلقات کو ںقدر دی نگاہ نال ڈیکھدا ہے ، ایندے اچ کوئی شک کائنی جو ماضی اچ ڈوہیں ملکاں وچال تعلقات اچ اتار چڑھاﺅ آیا ہے تاں جو ڈوہیں ملکاں رل تے کم کیتا ہے ایندے نال بہوں فائدے حاصل تھے ہن ۔
انہاں آکھیا جو تھی سگدا ہے جو ایں ویلھے ڈوہیں ملکاں چال تعلقات اچ کجھ غلط فہمیاں ہوون لیکن ڈوہیں ملک مثبت تے تعمیری سرگرمیاں دے ذریعے قابو پا گھنسن ۔اپنڑے افتتاحی کلمات اچ اعزاز چوہدری شرکا کوں پاکستان اچ سیکورٹی صورت حال تے گزریل چار سالاں دے دوران دہشت گردی دے خلاف ودھ ساریاں کوششاں دے نتیجے اچ بے شمار کامیابیاں دے حوالے نال آگاہی ڈتی ۔تقریب اچ موجود سابق سفیراں ، کانگریس، سینٹ، عملہ اتے دفتر خارجہ دے حکام تے صحافیاں شرکت کیتی ۔ہک سوال دے جواب اچ اعزاز چوہدری آکھیا جو پاکستان بے مثال قربانیاں ڈے تے دہشت گردی دے خلاف جنگ اچ چنگیاں کامیابیاں حاصل کیتیاں ہن ۔تے ہنڑ پاکستان ابھر دی ہوئی معیشت دے طور تے سامنڑے آندا پیا ہے ۔
