اسلام آباد (پاکستان نیوزپوائنٹ11اکتوبر2017ء) مسلم لیگ (ن) دے رکن قومی اسمبلی اسفند یار بھنڈارا آکھیا ہے جو 12اکتوبر دے دے کالے ڈینھ جمہوری حکومت کوں ختم کیتا گیاتے جمہوریت تے وار کیتا گیا ،توقع ہے جونیب دے نویں چیئرمین ادارے دی بہتری تے کرپشن دے خاتمے سانگے چنگاں کردار ادا کریسن ،سابق وزیر اعظم نواز شریف دی نااہلی تے خوش تھیونڑ آلیں دا نمبر وی آونڑ آلا ہے ۔
بدھ کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو 12اکتوبر 1999دا ڈینھ تاریخ دا سیاہ ترین ڈینھ ہے ۔ایں ڈینھ ہک ڈکٹیٹر منتخب جمہوری حکومت تے وار کیتا ۔انہاں نویں چیئر مین نیب دے حوالے نال آکھیا جو نویں چیئر مین نیب دا ماضی بے داغ ہے ،او غیر جانبدار تھی تے کم کریسن ۔توقع ہے جو او نیب دی کاکردگی کوں بہتر بنڑیسن تے کرپشن دے خاتمے سانگے موثر کردار ادا کریسن ۔ہک سوال دے جواب اچ انہاں آکھیا جو سابق وزیراعظم نواز شریف دی نااہلی تے آصف زرداری کوں خوش نی تھیونڑاں چاہیدا ۔انہاں آکھیا جو نواز شریف دا ماضی صاف ہے ۔
