پاکستان سمیت ساری دنیا اچ اقوام متحدہ دا بین الاقوامی امن دا ڈینھ 21ستمبر کوں منایا ویسی

اسلام آباد (پاکستان نیوزپوائنٹ18ستمبر2017ء) اقوام متحدہ دا بین الاقوامی امن دا ڈینھ 21 ستمبر کوں پاکستان سمیت ساری دنیا اچ منایا ویسی ۔ ایں ڈینھ کوں مناونڑ دا مقصد دنیا اچ جھیڑے دے خاتمے تے امن دے ودھارے سانگے کم کرنڑ آلیں دیاں کوششاں دا اعترف کرنڑاں ہے ۔ بین الاقوامی امن دا ڈینھ جنگ بندی دا وی ڈینھ ہے۔ سیاسی لوک ایں ڈینھ کوں عالمی طور تے منیندے ہن ۔ بین الاقوامی امن دے ڈینھ دے موقع تے ساری دنیا اچ مختلف سرگرمیاں دا اہتمام کیتا ویندا ہے تے امن دیاں کوششاں کوں اجاگر کرنڑ سانگے تقریباں دا انعقاد تھیندا ہے ۔سرکاری تے نجی سطح تے تقریباں دے ذریعے امن دیاں کوششاں کوں تکھا کرنڑ سانگے اقدامات تجویز کیتے ویندے ہن تاں جو دنیا کوں امن دا گہوارہ بنڑایا ونج سگے ۔