اسلام آباد (پاکستان نیوزپوائنٹ14ستمبر2017ء) پاکستان اچ برطانوی ہائی کمشنر تھامس ڈریو (سی ایم جی) پاکستان اتے برطانیہ دے70 سالہ تعلقات تے مبنی فوٹو گرافی دی نمائش دا افتتاح کرڈتا۔ فیصل آباد اچ "شیئرڈ ہسٹری، شیئرڈ فیوچر" دے عنوان توںکرائی گی نمائش عوام سانگے 14ستمبر توں 16ستمبر تئیں جاری رہ ویسی ۔ایں نمائش دا آغاز برطانوی پارلیمنٹ اچ وی سنوار کوں کیتا گیا ہے تے اے نمائش برطانیہ تے پاکستان دے اہم شہراں اچ منعقد کرائی ویسی۔
نمائش دی افتتاحی تقریب اچ برطانوی ہائی کمشنر دے ساتھ ایوانِ صنعت و تجارت فیصل آباد دے صدر محمد سعید، برطانوی ادارہ بین الاقوامی ترقی (ڈی ایف آئی ڈی) دی لاہور دی سربراہ رتھ گراہم، برطانوی ہائی کمیشن دے عہدے داران، ایوانِ صنعت و تجارت فیصل آبادنال تعلق رکھنڑ آلے عہدیداران تے ارکان دے نال نال فیصل آباد دی مقامی کاروبای شخصیات وی شرکت کیتی ۔
اپنڑے دورہ فیصل آباد دے دوران برطانوی ہائی کمشنر مسٹر تھامس ڈریو وڈی تعداد اچ فیصل آباد نال تعلق آکھنڑ آلے تجارتی رہنماواں نال ملاقاتا ں کیتیاں ۔ایں موقع تے انہاں آکھیا جو برطانیہ دے پاکستان دے تعلقات کوں 70سال پورے تھیونڑ تے ایں شہر اچ اپنڑی موجودگی تے خوشی محسوس کریندے پئے ہن جیں کوں پاکستان دا مانچسٹر آکھیا ویندا ہے ۔
