ملک اچ چار گھنٹے دی لوڈ شیڈنگ ہے ،ضیان تے ریکوریز دے ایشو آلے فیڈر تے اٹھ گھنٹے دی لوڈشیڈنگ کیتی ویندی پئی ہے ،انرجی دے پارلیمانی سیکر ٹری دا قومی اسمبلی اچ جواب

اسلام آباد (پاکستان نیوزپوائنٹ13ستمبر2017ء) قومی اسمبلی کو ں ڈسایا گیا جو جیرھے فیڈر تے ریکوریز دے ایشو ہن اتھاں 8گھنٹے دی لوڈشیڈنگ کیتی ویندی پئی ہے ایندے علاوہ ملک اچ چار گھنٹے دی لوڈشیڈنگ ہے ،سندھ دے جیرھے علاقیں اچ ارکان دے تحفظات ہن انہاں کوں وزارت اچ سڈ تے انہاں دے تحفظ کوں دور کیتا ویسی جڈاں جو ڈپٹی سپیکر مر تضیٰ جاوید عباسی ہدایت کیتی جو جیرھے علاقیں دے لوک اپنڑی مدد آپ دے تحت ٹرانسفار مر مرمت کرویندے پے ہن وزارت ایندا نوٹس گھنے ۔

بدھ کوں قومی اسمبلی اچ سید غلا م مصطفی شاہ دے سندھ دے مختلف علاقیں اچ لمبی لوڈشیڈنگ دے حوالے نال توجہ ڈیواﺅ نوٹس دا جواب ڈیندے ہوئیں انرجی دے پارلیمانی سیکر ٹری اظہر قیوم ناہرا آکھیا جو جیرھے فیڈر تے ریکوریز دے ایشو ہن اتھاں 8گھنٹے دی لوڈشیڈنگ کیتی ویندی پئی ہے ایندے علاوہ ملک اچ چار گھنٹے دی لوڈشیڈنگ ہے۔