صدر ممنون حسین دی کراچی اچ نجی ٹی وی چینلز تے حملے دی مذمت

اسلام آباد (پاکستان نیوز پوائنٹ 22اگست 2016ء) صدر ممنون حسین دی کراچی اچ نجی ٹی وی چینلز اے آر وائی،سماء اتے نیو،تے حملے دی مذمت کیتی اے۔صدر آکھیا جو نجی ٹی وی چینلز تے حملہ صحافت دی آزادی اتے اظہار رائے تے حملہ اے۔انہاں آکھیا جو اے صوبائی دارالحکومت دا پر امن ماحول وگاڑنڑ دی کوشش اے۔انہاں آکھیا جو ایجھے واقعات کوں برداشت کائنا کیتا ویسی اتے میڈیا دی آزادی کوں یقینی بنڑایا ویسی۔صدر آکھیا جو ذرائع ابلاغ نال جڑیے بندیاں کوں ساری ضروری سکیورٹی ڈتی ویسی تانجو او آپنڑے پیشہ وارانہ فرائض نبھاونڑ دے قابل تھیون۔صدر آکھیا جو ایجھے مجرمانہ حملیاں اچ ملوث عناصر کوں انصاف دے کٹہرے اچ آندا ونجے اتے قانون نافذ کرنڑ آلے ادارے ولا ایجھے حملے دی موکل کائنا ڈیسن۔