اسلام آباد (پاکستان نیوز پوائنٹ 22اگست 2016ء) معروف تجزیہ کار بریگیڈیئر (ر) سعد نذیر آکھیا ہے جو پاکستان تے افغانستان کو ںمہاجراں دی واپسی سانگے چنگی پالیسی بنڑاونڑ دی ضرورت ہے ،نجی ٹیلی وژن نال گالھ مہاڑ کریندے ہوئیں انہاں آکھیا جو پاکستان دے مختلف علاقیاں اچ موجود افغان مہاجراں کوں وطن واپسی بھیجنڑ سانگے ڈوہیں ملکاں کوں رل بہ تے چنگی پالیسی بنڑاونڑیں چاہیدی ہے ،انہاں آکھیا جو اے مسئلہ گالھ مہاڑ نال ہی حل کیتا ونج سگدا ہے ۔
انہاں آکھیا جو حکومت پاکستان کوں رجسٹرڈ تے غیر رجسٹرڈ افغان مہاجراں دی وطن واپسی دے عمل کوں کامیابی نال پورا کرنڑ سانگے پالیسی کوں وختی توں وختی بنڑاوے ،ایں حوالے نال افغان حکومت کوں وی مذاکرات اچ شامل کیتا ونجے تاں جو افغان مہاجراں دی پر امن تے باعزت واپسی دے رستے کوں ہموار کیتا ونج سگے ۔ بریگیڈیئر(ر) سعد نذیر آکھیا جو ایں حوالے نال ماضی اچ کیتے گے اعلاناں تے وی ڈوجھی نظر دی ضرورت ہے تاں جو ڈوہیں ملکاں وچال مزید چنگے تعلقات قائم تھی سگن
