سعودی حکومت حج دے دوران امن وامان کوں برقرار رکھنڑ سانگے سیکورٹی انتظامات کوںاخیری شکل ڈے ڈتی

جدہ (پاکستان نیوز پوائنٹ 19اگست 2016ء) سعودی عرب دی حکومت حج دے دوران امن وامان کوں برقرار رکھنڑ اتے پرامن حج دی ادائیگی کیتے سیکورٹی انتظامات کوں اخیری شکل ڈے ڈتی ہے ۔ عرب ذرائع ابلاغ دے مطابق مناسک حج دے شروع توں ہی تقریبا ترائے ہفتے پہلے جدہ اچ حج سکیورٹی فورسز دی قیادت دے اجلاس اچ زور ڈتا گیا جو سارے خطرات دا مقابلہ ترتیب ڈتے گئے منصوبے دے مطابق کیتا ویسی ۔ اجلاس اچ سکیورٹی فورسز دی قیادت ایں گالھ تے توجہ ڈتی جو حج سیزن اچ امن و امان اتے حجاج دی سلامتی اولین ترجیح ہے۔انہاں آکھیا جو حجاج دے استقبال ، انہاں دی سلامتی اتے آپنڑیں ملکاں اچ واپسی تئیں سکیورٹی منصوبے دے ذریعے سارے فورسز کوں ہائی الرٹ رکھیا ویسی ۔