اسلام آباد (پاکستان نیوزپوائنٹ16اگست2017ء) معروف قوال نصرت فتح علی خان دی 20 ویں برسی بدھ کوں عقیدت اتے احترام نال منائی گی ۔ عظیم پاکستانی قوال، موسیقار اتے گلوکار نصرت فتح علی خان فیصل آباداچ جمے۔ آپ دے والد فتح علی خان اتے چاچا مبارک علی خان اپنڑے وقت دے مشہور قوال ہن۔ انہان دے خاندان قیام پاکستان دے ویلھے مشرقی پنجاب دے ضلع جالندھر توں ہجرت کرتے فیصل آباچ آن رہیے ۔
استاد نصرف فتح علی خان اپنڑے ساری عمر قوالی دے فن کوں سکھنڑ تے اینکوں مشرق تے مغرب اچ مقبول عام بنڑاونڑ اچ صرف کیتی ۔انہاں آکھیا جو صوفیا کرام دے پیغام کوں دنیا دی کنڈ کنڈ تئیں پجایا تے انہاں دے فیض توں خود انہاں کوں ودھ ساری شہرت حاصل تھی ۔نصرت فتح علی خان 16 اگست1997ءکوں لندن دے کروم ویل ہسپتال اچ حرکت قلب بند تھیونڑ پاروں انتقال کر گے ہن۔
