اسلام آباد (پاکستان نیوزپوائنٹ 31جولائی2017ء) پاکستان تحریک انصاف ،عوامی مسلم لیگ اتے مسلم لیگ (ق) ولوں وزارت عظمیٰ سانگے نامزد امیدوارشیخ رشید احمد کاغذات نامزدگی جمع کراڈتے ہن۔ سنوار کوں قومی اسمبلی سیکرٹریٹ اچ سیکرٹری قومی اسمبلی جواد رفیق ملک ڈے انہاں اپنڑے کاغذ جمع کرائے۔ پاکستان تحریک انصاف دے صدر شاہ محمود قریشی انہاں دا ناں تجویز کیتا جڈاں جو مسلم لیگ (ق) دے طارق بشیر چیمہ تائید کیتی ۔
کاغذات نامزدگی جمع کراونڑ دے بعد ذرائع ابلاغ دے نمائندیں نال گالھ مہاڑ کریندے ہوئیں شیخ رشید آکھیا جو مسئلہ جت تے ہار دا نی ملک نال وابستگی تے جمہوری نظام کوں اگی تے ودھاونڑاں ہے ۔ شاہ محمود قریشی آکھیا جو انہاں کوں اج شیخ رشید دا ناں تجویز کرتے فخر محسوس تھیندا پیا ہے ۔
