اسلام آباد (پاکستان نیوزپوائنٹ 27جولائی2017ء) تھر کول توانائی منصوبے تے 40 فیصد کم پورا کر گھدا گیا ہے۔ 4 ہزار میگاواٹ دے ایں منصوبے نال ابتدائی طور تے 660 میگا واٹ بجلی پیدا تھیسی ' کم دی رفتار مقررہ وقت توں چار مہینے آگی تے چلدی پئی ہے ۔تفصیل دے مطابق اسلام کوٹ توںملحقہ کول مائننگ سائٹ تے بریفنگ دے دوران ڈسایا گیا جو تھر دے کولیں نال بجلی بنڑاونر دے 330 میگاواٹ دے اے ڈو منصوبے 2019 تئیں پورے تھی ویسن تے660 میگاواٹ بجلی سسٹم اچ شامل تھی ویسی۔
پراجیکٹ دے دورے دے موقع تے سندھ اینگرو کول مائننگ کمپنی دے ترجمان محسن ببر دا آکھنڑ ہے جو کولیں نال بنڑ ونجنڑ آلے اے بجلی نہ صرف ملک دی توانائی دی ودھدی ہوئی ضرورت کوں پورا کریسی بلکہ ایں منصوبے نال تھر دے عوام کوں روزگار وی مل ویسی جیں نال علاقے دی غربت ا چ گھٹکی تھی ویسی ۔
