اسلام آباد (پاکستان نیوزپوائنٹ 27جولائی2017ء) اراکین پارلیمنٹ دی نویںٹیکس ڈائریکٹری جاری کرڈتی گی ۔ٹیکس ڈائریکٹری دی تقریب اجرائخمیس کوں ایف بی آر ہیڈ کواٹرز اسلام آباد اچ تھی۔ وفاقی وزیر خزانہ سینیٹر اسحاق ڈار ٹیکس ڈائریکٹری دا اجراء کیتا ۔پاکستان مسلم لیگ ن دی حکومت ولوںمسلسل چوتھے سال اراکین پارلیمنٹ دی ٹیکس ڈائریکٹری دا اجراء کیتا گیا ہے ۔
ٹیکس ڈائریکٹری اچ 1010ارکان پارلیمنٹ دے ٹیکساں متعلق تفصیلات شامل ہن جو ایف بی آر دی ویب سائیٹ تے دستیاب ہن ۔گذریل سال 996اراکین پارلیمنٹ دی ٹیکس تفصیلات ڈائریکٹری اچ شائع کیتیاں گیاں ہن ۔ایندے علاوہ بئے اراکین پارلیمنٹ کوں ہک مہینے دا اضافی وقت ڈتا گیا ہے تاں جو او اپنڑی ٹیکس تفصیلات دا اندارج کراسگن ۔واضح رہے جو پاکستان دنیا داچوتھا ملک ہے جیں ارکان پارلیمنٹ دی ٹیکس ڈائریکٹری شائع کیتی ہے ۔ایںموقع تے ڈسایا گیا جو موجودہ حکومت دے گزریل چار سالاں دے دوران ٹیکس وصولیاں اچ 73فیصد ودھارا ریکار ڈ کیتا گیا ہے ۔ٹیکس ڈائریکٹری دے اجراء دی تقریب اچ وزیراعظم دے معاون خصوصی ریونیو ہارون اختر خان 'چیئرمین ایف بی آر اتے بئے حکام وی شریک ہن۔
