اسلام آباد (پاکستان پوائنٹ نیوز20جولائی2017) مسلم لیگ ن دے رہنما دانیال عزیز آکھیا ہے جو عمران خان دے خلاف دھرنے دے دوران پولیس اہلکاراں تے تشدد اتے پی ٹی وی تے حملے دا کیس وختی نبیڑیا ونجے تے متعلقہ فریقین کوں نوٹس جاری کیتے ونجن ،ایں کیس دی پارلیمانی کمیٹی توں تفتیش کرائی ونجے ۔اسلام آباد اچ خمیس کوں میڈیا نال گالھ مہاڑ کریندے ہوئیں دانیا عزیز آکھیا جو عمران خان دلیری ڈکھیندے ہن تے عدالت دی پرواہ نی کریندے تے نہ ہی انسداد دہشت گردی دی عدالت اچ پیش تھیندے ہن ۔
دانیال عزیز آکھیا جو ایں کیس کوں بہانیں کرتے مسخ کرنڑ دی کوشش کیتی ویندی پئی ہے ۔40توں 50نا معلوم لوکاں دی شناخت سانگے عدالت ریکارڈ منگیا لیکن اے ریکارڈ عدالت اچ کائنی ڈتا گیا ۔انہاں آکھیا جو ایں کیس اچ تاخیری حربے استعمال کیتے ویندے پے ہن تے ہنڑ تئیں شہادتاں وی مکمل کائنی تھیاں ۔
