اسلام آباد (پاکستان نیوزپوائنٹ 18جولائی2017ء) پبلک اکاﺅنٹس کمیٹی دے فیصلیں تے عملدرآمد سانگے قائم مانیٹرنگ کمیٹی آکھیا ہے جو وختی توں وختی ریکوریاں یقینی بنڑایا ں ونجن تاں جو سرکاری خزانے کوں ضیان دا احتمال نہ رہے ۔ اجلاس منگل کوں کمیٹی دے کنوینر رانا افضال حسین دی صدارت تھیا جیں اچ کمیٹی دے ارکان پرویز ملک اتے میاں عبدالمنان دے علاوہ متعلقہ سرکاری اداریںدے اعلیٰ افسراں شرکت کیتی ۔
اجلاس اچ باہرلے ملک سفارتخانیں اتے مشنز اچ تعینات وزارت تجارت دے عملے متعلق 2004-05ءاتے 2006-07ءدے ریکوریاں متعلق آڈٹ اعتراضاں دے جائزے دے دوران کمیٹی دے بیشتر آڈٹ اعتراضات نبیڑ ڈتے جڈاں جو ریکوریاں دے حوالے نال ہدایات کیتی گی جو وختی توں وختی ریکوریاں یقینی بنڑایاں ونجن تاں جو سرکاری خزانے کوں ضیان دااحتمال نہ رہے ۔ پاکستان ٹوبیکو بورڈ دے 1999-2000ءاتے 2005-06ءدے آڈٹ اعتراضاں دا جائزہ گھندے ہوئین وزارت تجارت کوں ہدایت کیتی گئی جو آڈٹ حکام دے نال رل تے معاملے کوں نبیڑیا ونجے۔
1995-96ءاچ بھارت توں ٹریڈنگ کارپوریشن آف پاکستان ولوں بھارت توں درآمد کردہ چینی دی درآمد دے حوالے نال ہک آڈٹ اعتراض دے جائزے دے دوران پی اے سی کوں ڈسایا گیا جو چینی دی ہک پوری بوگی غائب کرڈتی گی ۔ جیرھی جو ٹی سی پی کوں موصول کائنی تھی۔ پی اے سی ہدایت کیتی جو ریلوے تے وزارت تجارت رل تے مسئلے کوں حل کرن۔ وزارت تجارت تجویز ڈتی جو عدالت کوں ایں مسئلے کوں حل کرنڑ ڈتا ونجے ۔ سیکرٹری تجارت ڈسایا جو سری لنکا اتے بئے ملکاں دی چاول دی فصل خراب تھی ہے ایں سانگے پاکستان کوں ہر پاسوں چاول دی ڈیمانڈ آندی پئی ہے اگر اساڈی چاول دی فصل چنگی تھی تاں کاشتکاراں کوں فائدہ تھیسی۔
