اسلام آباد (پاکستان نیوزپوائنٹ 12جولائی2017ء) صدر مملکت ممنون حسین آکھیا ہے جو قیدیاں دی بہتری سانگے اخلاقی و ذہنی تربیت دے ذریعے نہ صرف جرائم تے قابو پاونڑ ممکن تھیویسی بلکہ جیلاں اچ قید یاںکوں معاشرے دا کارآمد حصہ وی بنڑایا ونج سگسی ایندے پس منظر اچ جیلاں دے نظام اچ اصلاح ناگزیر ہے۔ اے گالھ انہاں بدھ کوں وفاقی محتسب سیکرٹریٹ دے زیرِاہتمام جیلاںاچ اصلاح سانگے مرتب کیتی گی رپورٹ پیش کرنڑ دے موقع تے آکھی۔
ایں موقع تے وفاقی محتسب محمد سلمان فاروقی دے علاوہ ممتاز شہریاں، ماہرین تعلیم و صحت اتے بئے لوکاں دی وڈی تعداد موجود ہئی جڈاں جو مخیر حضرات جیلاں اچ اصلاحات اتے قیدیوں کوں سہولتاں ڈیونڑ سانگے عطیات دا اعلان کیتا ۔ صدر مملکت ایں موقع تے آکھیا جو اسلامی تعلیمات دی روشنی اچ ہی جدید دنیا اچ قید و بند دے مقاصد اچ اصلاحات تھیاں تے قید خانے کوں مرکز اصلاحات دے طور تے متعارف کرایا گیا۔
انہاں آکھیا جو سزائے قید دا مقصد ہی اے ہے جو ملزم یا مجرم ہک واری جیل پج ونجے تے چنگے سکول تے چنگی تربیت دے ذریعے ایندی زندگی دا مقصد تبدیل تھی ونجے ۔ایں موقع تے وفاقی محتسب محمد سلمان فاروقی، جیل اصلاحات کمیٹی دے سربراہ اعجاز احمد قریشی، سابق سیکرٹری اطلاعات سید انور محمود، چیئر پرسن ہیومن ڈیویلپمنٹ سینیٹر رزینہ عالم خان، ہائر ایجوکیشن کمیشن دے چیئرمین ڈاکٹر مختار احمد، علامہ اقبال اوپن یونیورسٹی دے وائس چانسلر ڈاکٹر شاہد صدیقی، کامسیٹس دے ایگزیکٹو ڈائریکٹر ڈاکٹر ایس ایم جنید زیدی، ممتاز صنعت کار سردار یاسین ملک، پاکستان سویٹ ہوم دے سربراہ زمرد خان اتے نیشنل بک فاو¿نڈیشن دے سربراہ ڈاکٹر انعام الحق جاوید دے علاوہ ممتاز سماجی کارکناں اتے صنعت کاراں وڈی تعداد اچ شرکت کیتی۔
