اسلام آباد (پاکستان نیوزپوائنٹ 11جولائی2017ء) اسلام آباد ہائی کورٹ ایس ای سی پی دے چیئرمین ظفر اعجازی دی راہداری دی درخواست ضمانت 17جولائی تئیں منظور کریندے ہوئیں سماعت ملتوی کرڈتی ۔منگل کو ںکیس دی سماعت عدالت عالیہ دے جسٹس محسن اختر کیانی کیتی ،ایں موقع تے ظفر اعجازی اپنڑی وکلاء ٹیم دے نال عدالت اچ پیش تھے ۔ظفر اعجازی دے وکیل موقف اختیار کیتا جو متعلقہ فورم تے حاضر تھیونڑ سانگے درخواست ضمانت منظور کیتی ونجے جیں تے عدالت 17 جون تئیں راہداری ضمانت منظور کریندے ہوئیں حکم ڈتا جو اسلام آباد دی حدود کوں راہداری ضمانت دے دوران نی چھوڑ سگدے۔
عدالت10ہزار روپے دے مچلکے جمع کراونڑ دا حکم ڈتا۔سماعت دے بعد زرائع ابلاغ دے نمائندیں ظفر اعجازی نال گالھ کرنڑ دی کوشش کیتی تاں انہاں آکھیا جو ٹمپرنگ دے حوالے نال عدالت اچ جواب ڈیساں۔ ہنڑ تفتیش تھیسی میں جواب ڈیساں ۔
