اسلام آباد (پاکستان نیوزپوائنٹ 23مئ2017ء) ماہرےن اقتصادےات آکھیا جو سی پیک پاکستان دی معاشی ترقی اچ اپنڑے بالواسطہ کردار دی وجہ توں ‘گیم چینجر‘ ثابت تھیسی۔ منصوبے دے حوالے نال براہ راست سرمایہ کاری دا حجم پاکستان دی معیشت کوںحقیقی ترقی دے رستے تے ٹو ڈیسی ۔ نیشنل سکول آف پبلک پالیسی دے سینئر فیکلٹی ممبر ڈاکٹر سعد ایس خان اے پی پی نال گالھ مہاڑ کریندے ہوئیں سی پیک چین دے چھی تجارتی کوریڈور اچوں ہک ہے جیرھا جو چین تے باقی دنیا وچال تجارتی تعلقات اتے سرمایہ کاری کوں تقویت ڈیونڑ سانگے روبہ عمل اچ لاتے ویندے پن ۔
انہاں آکھیا جو سی پیک دے ذریعے پاکستان دے ہمسایہ صوبے سنکیانگ اچ قائم صنعتاں سانگے سوکھے بر آمدی رستے دا خواہاں ہے ۔ایں منصوبے تے کل سرمایہ کاری 46ارب امریکی ڈالر دی ہوسی ،ایندے تحت توانائی دے 18منصوبے لاتے ویندے پے ہن ۔انہاں منصوبیں نال پاکستان کوں توانائی دے بحران تے قابو پاونڑ اچ مدد مل ویسی تے ملکی صنعت دا پیتھا تکھا تھیونڑ نال غربت اچ گھٹکی تے روزگار دے موقع اچ ودھارا تھیسی ۔
