ریلویز ڈویژن دے ترقیاتی منصوبیں سانگے33ارب 86کروڑروپے توں ودھ دے فنڈز جاری

اسلام آباد (پاکستان نیوز پوائنٹ 27اپریل2017ء) وزارت منصوبہ بندی اتے ترقی سرکاری شعبے دے ترقیاتی پروگرام اچ ریلویز ڈویژن دے ترقیاتی منصوبیں سانگے مجموعی طورتے ہنڑ تئیں 33ارب 86کروڑروپے توں ودھ دے فنڈز جاری کرڈتے ہن ، حکومت ایں ڈویژن دے ترقیاتی منصوبیں سانگے 41ارب روپے دے فنڈز رکھیے ہن۔ پلاننگ کمیشن توں جاری اعداد وشمار دے مطابق حکومت گوادر اچ ریلوے کنٹینرز یارڈ سٹیشن اتے ریلوے لائن سانگے 23کروڑ 40لکھ، سٹاف کوارٹرز دی تعمیر سانگے20کروڑ، خانیوال ٹریک کو ں ڈو رویہ کرنڑ سانگے 33کروڑ، 75 ڈی ای لوکوموٹوز سانگے ہک ارب 40کروڑ، 58 ڈیزل الیکٹرک لوکوموٹوز سانگے 30کروڑ، 2010 اچ سیلاب توںمتاثرہ املاک دی بحالی سانگے ہک ارب 94کروڑ، 100 ڈی ای لوکوموٹوز سانگے 2ارب 11کروڑ ، 800کوچاں تے 2ہزار ویگناں دی سپیشل ریپئرنگ سانگے 80کروڑ، خانپور ٹو لودھراں سیکشن دی بحالی سانگے ہک ارب 75کروڑسمیت مختلف ترقیاتی منصوبیں سانگے فنڈز جاری کر ڈتے ہن۔