بھکر(پاکستان پوائنٹ نیوز۔30 جولائی۔2016) ڈی سی او احمد مستجاب کرامت آکھے جو سارے ضلعے اچ ودھ مُل لاونڑآلیاں دی حوصلہ شکنی کیتی ویسی ۔ لوکیں کوں مقرر کردہ سرکاری مُل دے مطابق کھاونڑ پیونڑ دیاں چیزاں پجاونڑ میڈی پہلی ترجیح ہے، ودھ مُل وصول کرنڑآلیاں دکانداراں دے خلاف موثر کارروائی کیتی ویسی ۔ انہاں اے گالھ ڈسٹرکٹ پرائس کنٹرول کمیٹی دے اجلاس دی صدارت کریندے ہوئیں آکھی۔
ایں موقعے تے اے ڈی سی حافظ احمد طارق ،چارہے تحصیلاں دے اسسٹنٹ کمشنرز ،انجمن تاجران دے نمائند گان ،پرائس مجسٹریٹس ،لائیوسٹاک ،خوراک ،مارکیٹ کمیٹی ،ٹی ایم ایز اتے بئے متعلقہ شعبیاں دے افسران وی موجودہن ۔ ایں موقعے تے ڈی سی او احمد مستجاب کرامت پرائس کنٹرول مجسٹریٹس کوں ہدایت کیتی جو او بازاراں اچ کھاونڑ پیونڑ دیاں چیزاں دے مُل دی نگرانی دا عمل جاری رکھن اتے ودھ مُل لاونڑ اتے ملاوٹ کرنڑ آلیاں دے خلاف فوری کارروائی کیتی ونجے ۔
