مدثرکوں پولیس مقابلے اچ مارنڑ دا کیس؛نامزد ملزمان پولیس اہلکاراں دے خلاف گواہاںدے بیان لکھنڑ دا حکم

لاہور(پاکستان نیوزپوائنٹ 30مارچ2018ء) لاہور ہائیکورٹ قصور اچ مدثر کوں پولیس مقابلے اچ پار کرنڑ دے مقدمے اچ نامزد ملزمان پولیس اہلکاراں دے خلاف گواہاں دے بیان گھنڑ دا حکم ڈتے اتے ڈو ملزم پولیس انسپکٹراں دی ضمانت منسوخی کیتے دائر درخواست تے ملزمان توں جواب منگ گھدے۔ایڈیشنل پراسیکیوٹر جنرل پنجاب ڈسایا جو ملزم اعلی پولیس افسراں اتے اہلکاراں دے خلاف گواہی کیتے ست پولیس اہلکاراں دے بیانات جوڈیشل مجسٹریٹ لکھنڑ توں انکار کر ڈتے،جیکربیان نہ لکھئے گئے تاں ملزمان اتے انہاں دے بانہہ بیل اعلی پولیس افسران بچ نکلسن۔ایندے تے عدالت ایڈیشنل ڈسٹرکٹ اینڈ سیشن جج قصور اتے جوڈیشل مجسٹریٹ قصوردا فیصلہ کالعدم کریندے ہوئیں بیان لکھنڑ دا حکم ڈتے۔