بدعنوانی مکاونڑ کیتے ہر حد تئیں ویسوں، قانون دے مطابق احتساب یقینی بنڑایا ویسی، چیئرمین نیب جسٹس(ر) جاوید اقبال دا ٹریننگ اتے ریسرچ ڈویژن دی مجموعی کارکردگی بارے جائزہ اجلاس نال خطاب
اسلام آباد (پاکستان نیوزپوائنٹ 30مارچ2018ء) قومی احتساب بیورو (نیب) دے چیئرمین جسٹس(ر) جاوید اقبال دی اگواننڑی اچ ٹریننگ اتے ریسرچ ڈویژن دی مجموعی کارکردگی بارے جائزہ اجلاس تھئے۔
اجلاس نال خطاب اچ چیئرمین نیب دا آکھنر ہا جو بدعنوانی مکاونر نیب دی اگونہی ترجیح اے این سانگے نیب دے افسران دی استعداد اتے صلاحیت ودھاونڑ دی لوڑھ اے تاں جوتربیتی پروگراماں نال نیب دی کارکردگی کوں مزید شفاف
انداز اچ اگو تے ٹوریا ونج سگے۔
اجلاس اچ ڈسایا گیا جو ٹریننگ اینڈ ریسرچ ڈویژن سال 2018ءکیتے تربیتی پروگرام تے عمل کریندا پئے،نیب اپنڑی افرادی قوت دے معیار دی بہتری کیتے کیپسٹی بلڈنگ دا معترف اے، ایں سانگے تتفتیشی افسران کیتے معیاری سلیبس دے اکاﺅنٹس امور، جنرل فنانشل رولز، ایف آر، ایس آر، ڈیجیٹل فرانزک سوالیہ دستاویزات اتے فنگر پرنٹ تجزیہ بارے تربیتی پروگرام رکھیے گن۔