نویں انتخابی قانون 2017دے مطابق قومی اسمبلی دیاں 272عمومی نشستاں تے سیاسی جماعتاں کوں 13.6ٹکٹ تریمتاں کوں لازمی ڈیونڑیاں ہوسن ،بلوچستان اسمبلی 2.55،کے پی کے 4.95،پنجاب اچ 14.85تے سندھ اچ 6.5فیصد ٹکٹاں تریمتاں کوں ڈیونڑیاں ہوسن ،پارلیمانی ذرائع

اسلام آباد (پاکستان نیوزپوائنٹ24اگست2017ء) نویں انتخابی قانون 2017دے مطابق قومی اسمبلی دیاں 272عمومی نشستاں تے سیاسی جماعتاں کوں 13.6ٹکٹ تریمتاں کوں لازمی ڈیونڑیاں ہوسن ،بلوچستان اسمبلی 2.55،کے پی کے 4.95،پنجاب اچ 14.85تے سندھ اچ 6.

5فیصد ٹکٹاں تریمتاں کوں ڈیونڑیاں ہوسن۔

پارلیمانی ذرائع دے مطابق ایں ویلھے قومی اسمبلی اچ براہ راست سیٹاں تے منتخب تھی تے آونڑ آلیاں تریمتاں دی تعداد 9ہے جیں اچ مسلم لیگ (ن) دیاں 4 اتے پیپلزپارٹی دیاں 5تریمتاں شامل ہن۔

گزریل ڈینھ انتخابات اچ تحریک انصاف این اے 120اچ نواز شریف دے مقابلے اچ ڈاکٹر یاسمین راشد، این اے 54 راولپنڈی توں حنا منظور جڈاں جو لیاری توں ناز بلوچ کو ںپارٹی ٹکٹ ڈتا ہئی جڈاں جو ضمنی انتخاب اچ این اے 71 عائلہ ملک کو ںپارٹی ٹکٹ جاری کیتا گیا تاں جو انہاں اچوں کوئی وی تریمت کامیاب کائنی تھی سگی۔

مسلم لیگ (ن) عام انتخابات اچ این اے 90 توں صائمہ اختر بھروانہ ، این اے 169 وہاڑی توں تہمینہ دولتانہ، ٹھٹہ توں ماروی میمن ، حیدرآباد توںراحیلہ مگسی کو ںٹکٹ جاری کیتا ہئی۔

این اے 69 توں سمیراملک منتخب تھی ہئی تاں جو او بعد اچ نال اہل تھی گئی ہئی ۔ این اے 88 جھنگ توں مسلم لیگ (ن) دی امیدوار غلام بی بی بھروانہ ، این اے 102 توں سائرہ افضل تارڑ اتے این اے 129 توں شذرہ منصب علی خان منتخب تھیاں۔

پاکستان پیپلز پارٹی دے ٹکٹ تے این اے 207لاڑکانہ توں فریال تالپور ، این اے 213نواب شاہ توںڈاکٹر عذرا فضل، این اے 225بدین توں ڈاکٹر فہمیدہ مرزا ، این اے 235 سانگھڑ توں شازیہ مری اتے این اے 237 ٹھٹہ توں شمس النساءبراہ راست نشستاں تے کامیاب تھیاں ۔

بلوچستان اتے خیبر پختونخوا اچ کوئی وی تریمت براہ راست ایم این اے منتخب کائنی تھی تے نہیں ہی کہیں جماعت انہاں کوں ٹکٹ ڈتے ۔

ایں وقت قومی اسمبلی اچ عمومی نشستاں دی تعداد 272ہے جیں تے جماعتاںکو ں13 توںدودھ ٹکٹ تریمتاں کوں جاری کرنڑیں پوسن۔

صوبائی اسمبلیا ںاچ بلوچستان دیاں 51نشتاں تے ڈو توں ودھ ، خیبر پختونخوا دیاں 99 نشستاں تے تقریباً5، پنجاب دیاں 297جنرل نشتاں تے تقریباً15 اتے سندھ دیاں 130نشستاں تے 6 توں ودھ ٹکٹ تریمتاں کوں لازمی ڈیونڑیں ہوسن ۔

واضح رہے جو پاکستان اچ ایں ویلھے تریمتاں دی آبادی دا52فیصد ہن تے ایں اقدام نال قانون ساز اداریں اچ انہاں دی تعداد اچ بہتری دی توقع ہے ۔