ملتان(پاکستان نیوزپوائنٹ23اگست2017ء) وڈی عید دی آمد توں پہلے ہی کھلاں گھننڑ آلیں ایکا کرتے انہاں دیاں قیمتاں اچ گھٹکی کر ڈتی ہے ۔
بیف ایسوسی ایشن دے جنرل سیکرٹری عبدالجبار ڈسایا جو کھلاں دا کاروبار کرنڑ آلے ہر سال ایں طرح دا طریقہ اختیار کرتے استحصال کریندے ہن جڈاں جو کھلاں نال تیار تھیونڑ آلیاں مصنوعات ہر سال پہلے توں ودھ مہانگیاں ہوندیاں
ہن انہاں آکھیا جو ایندی وجہ چیک اینڈ بیلنس دا نظام نہ ہوونڑ ہے ۔
شیخ عبدا لجبار آکھیا جو ایں ویلھے وڈے زناوراں دیاں کھلاں 2500دی بجائے 1700روپے جڈاں جو چھوٹے زناوراں دیاں کھلاں 1500روپے دی بجائے 700روپے اچ گھدیاں ویندیاں پیاں ہن ۔
گزریل سال کھلاں دے وپاریاں وڈی عید دے موقع تے وڈے زناوراں دیاں کھلاں ہک ہزار روپے اچ گھدیاں ہن ۔