پاكستان او هند د اړيكو د بحالۍ او د سياسي مرستې څخه استفاده كولې شي٬ امريكا به تاؤ تريخوالي كمولو لپاره د سوئېلي آسيا د دواړو ګاونډي هېوادونو ډاډګيرنه كوي٬امريكا د اظهار د آزادۍ او د قانوني اجتماع د حق بشپړ ملاتړ كوي۔د امريكې د خارجه محكمې وياند پرېس بريفنګ
واشنګټن(پاکستان نیوز پوائنٹ 23اگست 2016ء) امريكې وئېلي دي چې پاكستان او هند د اړيكو د بحالۍ او د سياسي مرستې څخه استفاده كولې شي٬امريكا به تاؤ تريخوالي كمولو لپاره د سوئېلي آسيا د دواړو ګاونډي هېوادونو ډاډګيرنه كوي٬امريكا د اظهار د آزادۍ او د قانوني اجتماع د حق بشپړ ملاتړ كوي۔
د امريكې د خارجه محكمې وياند تېره ورځ په واشنګټن كښې د پرېس بريفنګ په مهال ووئيل چې مونږ د پاكستان او هند ترمينځه د اړيكو بحالۍ لپاره د هڅو بشپړ ملاتړ كوو۔
٬مونږ ګڼو چې د دواړو هېوادونو ترمينځه د
اړيكو بحالۍ سره د منطقې خوشحالي او استحكام ممكن كېدې شي۔امريكا د پاكستان او هند د چارواكو ترمينځه په هره كچه د ملاقاتونو بشپړ ملاتړ كوي۔
وياند ووئيل چې امريكا به د تاؤ تريخوالي كمولو لپاره د دواړو هېوادونو ترمينځه نيغ په نيغه د مذاكراتو ډاډګيرنه كوي۔
په هند كښې د بشري حقونو په ډله امينسټي انټرنېشنل د بغاوت تورونو په اړه د پوښتنې په ځواب كښې وياند ووئيل چې امريكا د اظهار د آزادۍ او د قانوني اجتماع د حق بشپړ ملاتړ كوي چې پكښې د سول سوسائټۍ اجتماع شامله ده۔(م ع/وس/1629)