انقرہ: ہتھیا ربند بندے دی امریکی سفارتخانے ساہمنے فائرنگ، ملزم گرفتار
انقرہ(پاکستان پوائنٹ نیوز20۔دسمبر2016ء) ترکی دے دارالحکومت انقرہ وچ امریکی سفارتخانے دے ساہمنے فائرنگ۔ تفصیل دے مطابق روسی سفارتکار دے قتل دے کُجھ چِر بعد ای اک ہتھیار بند بندے نے امریکی سفارتخانے دے ساہمنے فائرنگ کیتی۔
ہتھیار بند بندے نے مقامی ویلے دے مطابق ساڈھے چار وجے 8توں 9وار فائر کیتا پر اجے تیکر فائرنگ دے واقعے وچ کسے قسم دے نقصان دی اطلاع نہیں ملی۔
فائرنگ دی آواز سُندے ای پولیس دی بھاری نفری موقعے اُتے پہنچ گئی تے فائرنگ کرن والے بندے نوں گرفتار کر لیا۔ سوشل میڈیا اُتے ملزم نوں گرفتاری کیتے جان دی ویڈیو وچ ویکھیا جا سکدا اے کہ پولیس نال جاندے ہوئے حملا آور نے اُچی آواز وچ آکھیا ’ساڈے نال نہ کھیڈو۔
‘ یاد رہوے کہ ایس توں پہلے انقرہ وچ ای روسی سفارتکار نوں وی فائرنگ کر کے قتل کر دِتا گیا سی۔