سعودی سوانیاں دے ڈرائیونگ لائسنس لین لئی شرطاں جاری کر دتیاں گئیاں

سعودی عرب(پاکستان پوائنٹ نیوز30۔ستمبر2017ء) سعودی عرب وچ سوانیاں نوں گڈی چلان دی اجازت ملن مگروں لائسنس لین لئی شرطاں جاری کر دتیاں گئیاں نیں۔

میڈیا رپورٹس مطابق سعودی حکام نے واضح کیتا اے کہ شاہی فرمان دے متن توں ایہ گل ساہمنے آئی اے کہ سوانیاں دے حوالے نال خاص شرطاں نہیں نیں تے ٹریفک نظام دے اصول مرد و سوانیاں دوواں اُتے اکو جہے لاگو ہون گے۔

حکام مطابق ٹریفک نظام دا آرٹیکل 36ڈرائیونگ لائسنس لین دیاں شرطاں بیان کردا اے تے

سوانیاں اُتے وی ایہدا اطلاق ہوئے گا۔

آرٹیکل 36مطابق موٹر بائیک تے گڈی چلان دا لائسنس لین لئی عمر 18ورھے ہونا لازمی اے، جدکہ پبلک ورک وہیکلز چلان لئی عمر دی حد 20ورھے ہونی ضروری اے‘ ذکر کیتے گئے دوویں قسماں دے ڈرائیونگ لائسنس لین دے خاہشمند کسے بندے نوں عزت‘ مال و جان اُتے حملا کرن دے جرم وچ سزا نہ ہوئی ہووے۔

لائسنس لین والا نشے دے کاروبار،اوہدی تیاری، سمگلنگ تے اوہنوں اپنے قبضے وچ رکھن دے حوالے نال سزا یافتہ نہ ہوئے۔