سعودی عرب : غیر قانونی وسن والے 6ہزار فلپائنیاں نوں ملک چھڈن دی ہدایت
ریاض(پاکستان پوائنٹ نیوز29۔ستمبر2017ء) سعودی عرب وچ فلپائن دے سفارتخانے نے غیر قانونی طور اُتے رہن والے اپنے چھ ہزار شہریاں نوں ملک چھڈن دی ہدایت کر دتی۔
غیر ملکی میڈیا مطابق سفارتخانے دا کہنا اے کہ اقامہ و محنت قوانین دی خلاف ورزی کرن والیاں نوں سعودی حکومت نے قید و جرمانے دی سزا دے بغیر ملکوں چلے جان دی مہلت دے دتی
اے، جو کہ 15اکتوبر نوں ختم ہو جائے گی۔
سفارتخانے دا کہنا اے کہ ایس توں پہلاں فلپائن دے غیر قانونی شہری ملک توں چلے جان۔ ایس مہلت توں اوہ شہری وی فائدہ چُک سکدے نیں جو حج یاں عمرے دے ویزے اُتے آن مگروں اوتھے ای وس پئے نیں۔
بغیر اجازت نامے دے سرحد پار کر کے سعودی عرب آن والے وی ایس سہولت توں فائدہ چک سکدے نیں۔