لاہور(پاکستان پوائنٹ نیوز28۔نومبر۔2016ء) 15دسمبر توں اپنے دورا آسٹریلیا دا باقاعدا آغاز کرن والی قومی ٹیم دے ٹیسٹ سکواڈ دا اعلان اج ہون دی امید اے، کامرن اکمل تے محمد اصغر نوں ٹیم وچ شامل کیتے جان دی امید اے۔
تفصیل دے مطابق پی سی بی دی سلیکشن کمیٹی دا اجلاس چیف سلیکٹر انضمام الحق دی سربراہی وچ ہویا، اجلاس وچ سارے ارکان توصیف احمد، وجاہت اللہ واسطی تے وسیم حیدر شریک ہوئے، وسیلیاں نے دعوا کیتا اے کہ سلیکشن کمیشن قائداعظم ٹرافی دے ٹاپ سکورر کامران اکمل تے بنگلا دیش پریمئر لیگ توں واپس بُلائے
گئے لیفٹ آرم سپنر محمد اصغر نوں دورا آسٹریلیا وچ موقع دین دا فیصلا کر چکی اے پر ایس معاملے اُتے کپتان مصباح الحق نال سلیکٹر دا مشورا ہونا باقی اے جہدے بعد چیف سلیکٹر انضمام الحق اج لاہور وچ پریس کانفرنس کر کے ٹیم دا باقاعدا اعلان کرن گے۔
یاد رہوے کہ کامرن اکمل بطور وکٹ کیپر پاکستان دے سبھ توں کامیاب بلے باز نیں، اوہناں نوں ون ڈے تے ٹیسٹ کرکٹ وچ بطور وکٹ کیپر پاکستان لئی پہلی سنچری سکور کرن دا اعزاز وی حاصل اے جدکہ اک توں بعد اک سنچری سکور کرن دا اعزاز وی اوہ حاصل کر چکے نیں۔