کراچی (پاکستان پوائنٹ نیوز28۔اکتوبر2016ء) سابق قومی کپتان تے ہیڈ کوچ وقار یونس دا کہنا اے کہ ڈی آر ایس اُتے اِکو جہی پالیسی دی ضرورت اے ایس لئی ایس مسئلے دا رل کے کوئی حل کڈھیا جاوے‘ دنیا بھر وچ جِتھے وی ٹیسٹ میچز کھیڈے جاندے نیں جدید ٹیکنالوجی دا مکمل استعمال کیتا جاوے تاں جے درست فیصلے ساہمنے آ سکن۔
واضح رہوے کہ پاکستان تے ویسٹ انڈیز وچکار ابو ظہبی ٹیسٹ وچ امپائرز مائیکل گف تے رچرڈ النگورتھ دے 9
فیصلے غلط ثابت ہوئے جہناں نُوں ڈی آر ایس دے سہارے درست کیتا گیا۔
وقار یونس ڈی آر ایس دے حق وچ ہون دے باوجود ایس گل دے حامی نیں کہ جدید ٹیکنالوجی دا مکمل طور اُتے استعمال کیتا جاوے۔
پاکستان تے ویسٹ انڈیز وچکار سیریز وچ ڈی آر ایس نُوں سنکومیٹر تے ہاٹ سپاٹ دے بغیر استعمال کیتا جا رہیا اے کیوں جے مکمل لوازمات دے نال جدید ٹیکنالوجی اُتے آن والے اخراجات نُوں برداشت کرنا ہر ملک دے وس دی گل نہیں اے۔