سلیکشن کمیشن دے نارواں سلوک نال ساڈی تذلیل کیتی گئی،سینٹرل کنٹریکٹ وچ تنزلی اُتے اعلا حکام نال گل کراں گے: عمر اکمل‘ احمدشہزاد
لاہور (پاکستان پوائنٹ نیوز28۔اکتوبر2016ء) ٹیسٹ کرکٹرز احمد شہزاد تے عمر اکمل پاکستان کرکٹ بورڈ دے نویں سینٹرل کنٹریکٹ وچ تنزلی اُتے دل برداشتا ہو گئے نیں‘ دوویں کرکٹرز پی سی بی حکام نال تنزلی اُتے گل کرن گے۔
احمد شہزاد تے عمر اکمل دے ستارے گردش وچ نیں‘ دوہاں کرکٹرز پی سی بی دے اعلا حکام تے سلیکشن کمیٹی دے دلاں وچ گھر
کرن تے ٹیم وچ تھاں بنان و چ ناکام نیں‘ پچھلے ہفتے پی ایس ایل دی پلاٹینم کٹیگری وچ منتخب ہوئے نیں پر پی سی بی دے سینٹرل کنٹریکٹ وچ اوہناں دی تنزلی کر دِتی گئی اے۔
اوپنر احمد شہزاد نُوں بی جد کہ مڈل آرڈر بیٹسمین عمر اکمل نُوں سی توں ڈی کٹیگری وچ سُٹ دِتا گیا اے‘ دوہاں کرکٹرز سلیکشن کمیٹی دے رویے توں نالاں نیں۔