نویں دِلی(پاکستان پوائنٹ نیوز27۔مئی2017ء) ویسٹ انڈین آل راﺅنڈر ڈیوائن براوو دے گانے دی نویں ویڈیو ساہمنے آ گئی، ویڈیو وچ اوہناں نے پاکستانی سٹار شاہد خان آفریدی نال اپنی ملاقات داتذکرا وی گیت وچ پیش کیتا۔
براوو نے افغان کرکٹر راشد خان نال ملن دی کہانی وی شاعری وچ بیان کیتی، ڈیوائن براوو پہلے وی ورلڈ کپ 2015دے موقع اُتے’ چیمپیئن چیمپیئن‘ گانا گا کے مشہور ہوئے سن۔
اوہناں نے ’چلو چلو‘ تے ’ٹرپ ابھی باقی ہے‘ نامی گیت وی گائے نیں۔ نویں گیت وچ اوہ بھارتی کپتان ویرات کوہلی نوں درخاست کر رہے نیں کہ اوہ اپنے پیشرو دھونی نوں واٹس اپ کرن، گیت دی شروعات سری لنکا توں ہوندی اے جتھے اوہ اپنے بیلی سنگاکارا نوں بُلاندے نیں، فیراوہ اپنے بیلی مہیلا جے وردنے نوں کال کردے نیں، ایسے طرحاں گیت وچ ہور کرکٹر وی رلتی ہوندے جاندے نیں۔