ون ڈے تے ٹیسٹ کرکٹ مگروں ٹی ٹونٹی وچ وی ڈی آر ایس نظام دی تجویز، نوبال دا فیصلا کرن دا اختیار تھرڈ امپائر نوں دین دا فیصلا
دبئی(پاکستان پوائنٹ نیوز26۔مئی2017ء) انٹرنیشنل کرکٹ کونسل (آئی سی سی) دی کرکٹ کمیٹی نے تجویز دتی اے کہ ٹی ٹونٹی دے سارے عالمی میچاں دوران ڈی آر ایس نظام رائج کیتا جانا چاہیدا تے سارے قومانتری میچاں وچ نوبال دا فیصلا کرن دا اختیار تھرڈ امپائر نوں دتا جائے۔
کرکٹ کونسل نے لندن وچ دو دِنا اجلاس مگروں جہڑے قوانین دی توثیق کرن اُتے زور دتا اوہناں وچ ایمپائر نوں ایہ اختیار دتے جان دی شق
شامل کیتی اے کہ اوہ کسے کھڈاری ولوں میدان وچ مَندے رویہ اختیار کرن تے جھیڑا کرن دی صورت وچ میدانوں باہر کڈھ سکے جیویں کہ فٹ بال کھڈاریاں نوں ریڈ کارڈ دتا جاندا اے۔
سابق انڈین کھڈاری انیل کمبلے دی صدارت ہیٹھ ہون والے اجلاس وچ کرکٹ دی اہمیت دے اعتراف وچ ایہ سانجھی رائے وی ساہمنے آئی اے کہ کرکٹ دے کھیڈ دی ترویج لئی قومانتری سطح اُتے ٹیسٹ کرکٹ دے مقابلے شروع کیتے جانے چاہیدے۔