سپریم کورٹ دے فیصلے اُتے خشی اے، پاکستان وچ ہر کوئی قانون دے تابع ہونا چاہیدا: پی ٹی آئی رہنما جہانگیر ترین دا سپریم کورٹ دے فیصلے اُتے ردعمل

اسلام آباد(پاکستان پوائنٹ نیوز09۔فروری2017ء) سپریم کورٹ نے شریف خاندان دیاں تن شوگر مِلاں اُتے پابندی لا دِتی۔ سپریم کورٹ دے فیصلے بارے اپنا موقف بیان کردے ہوئے ویڈیو پیغام وچ جہانگیر ترین دا کہنا سی کہ ایہ دو ورھیاں دی لَمی جنگ سی جو میں شریف خاندان خلاف لڑی۔ اوہناں نے آکھیا کہ مینوں اج بڑی خشی اے کہ سپریم کورٹ نے ملاں اُتے پابندی لان دا حکم جاری کیتا اے، کیونکہ شریف خاندان نے عدالتی حُکماں مگروں قانون توڑکے اپنیاں مِلاں لئیاں۔ اوہناں

دا کہنا سی کہ قانون توڑن اُتے انتظامیا سنے کسے نے وی اوہناں نوں ہتھ تک نہیں لایاتے جدوں جسٹس عائشہ ملک نے پُچھیا تے اوہناں نے آکھیا کہ ہُن تے لگ گئی اے ہن چلن دیو، جہدے خلاف میں سپریم کورٹ نال رابطا کیتا تے آخیر ملاں اُتے پابندی لا دِتی گئی اے۔ جہانگیر ترین دا کہنا سی کہ ایس ملک وچ ہر بندے نوں بھاویں اوہ کوئی وی ہووے قانون دے مطابق کم کرنا چاہیدا تے ہر کسے نوں چاہیدا اے کہ اوہ قانون دے تابع ہووے۔