گوادر(پاکستان پوائنٹ نیوز08۔فروری2017ء) ڈپٹی کمشنر گوادر نے آکھیا اے کہ پسنی وچ زلزلے پاروں 50مکاناں نوں نقصان پہنچیا،منگل دی رات زلزلے پاروں زیادا مکاناں دیاں کندھاں ڈِگیاں نیں، پی ڈی ایم اے دی اک ٹیم پسنی گھل دِتی اے۔
تفصیل دے مطابق ڈی جی پی ڈی ایم اے اسلم ترین دا کہنا سی کہ گوادر توں امدادی سامان
پسنی گھل دِتا گیا اے، متاثرا بندیاں نوں امداد دِتی جا رہی اے۔
اوہناں دا کہنا سی کہ رات ویلے جاری سونامی وارننگ دوپہر نوں کینسل کر دِتی گئی۔ ڈپٹی کمشنر طفیل بلوچ دا کہنا اے کہ پچھلے رات زلزلے دی وجہ توں بُہتے مکاناں دیاں کندھاں ڈگیاں نیں۔
متاثرا بندیاں نوں ہر ممکن مدد دِتی جا رہی اے۔