لیگی قیادت نے این اے 149ملتان توں عام انتخابات لئی گورنر پنجاب دے پُتر نوں ٹکٹ دین دا گرین سگنل دے دِتا

ملتان(پاکستان پوائنٹ نیوز06۔فروری2017ء) لیگی قیادت نے این اے 149ملتان شہر توں آن والے عام انتخابات لئی گورنر پنجاب رفیق رجوانہ دے پُتر آصف رفیق رجوانہ نوں ٹکٹ دین دا گرین سگنل دے دِتا۔

مسلم لیگ (ن) دے اہم وسیلیاں دے مطابق آصف رجوانہ آن والے عام انتخابات وچ این اے 149توں مسلم لیگ (ن) دے امیدوار ہون گے۔

ملتان شہر دے ایس حلقے توں سینئر سیاستدان مخدوم جاوید ہاشمی تے سابق ایم این اے شیخ طارق رشید وی رکن قومی اسمبلی دے امیدوار نیں۔

آصف رجوانہ نے سینئر پارٹی قیادت ولوں گرین سگنل ملدے ای بھرپور عوامی رابطا مہم شروع کر دِتی۔ آصف رجوانہ دے حامیاں ولوں کُجھ دن پہلے ملتان وچ ہون والے مسلم لیگ (ن) دے ورکرز کنونشن وچ وی بھرپور پاور شو کیتا گیا۔

آصف رجوانہ نوں این اے 149دا گرین سگنل ملدے ای لیگی ٹکٹ دے خاہمشند ہور امیدواراں

وچ پریشانی دی لہر دوڑ گئی۔ ایس سلسلے وچ خبر رساں ادارے نال گل بات کردے ہوئے سابق ایم اے این شیخ طارق رشید دا کہنا سی کہ این اے 149وچ پورے پنج سال لوکائی توں دور رہن والے فصلی بیٹیریاں نوں لوکائی نے رَد کر دِتا اے۔

ممبر قومی اسمبلی دا الیکشن لڑن دا دعوا کرن والے پہلے کونسلر دا الیکشن جِت کے وکھان تاں جے لوکائی اوہناں دے مونہاں نوں پہچان سکے۔

حلقے دی تعمیر و ترقی لئی پہلے وی فنڈز خرچ کیتے ہن وی ترقیاتی کماں دا سلسلا جاری رہوے گا۔ یاد رہوے کہ سینئر سیاستدان مخدوم جاوید ہاشمی 2008وچ قومی اسمبلی دے ایس حلقے توں مسلم لیگ (ن) تے 2013وچ پی ٹی آئی دے ٹکٹ اُتے چُنے گئے نیں جدکہ شیخ طارق وی مسلم لیگ (ن) دے ٹکٹ اُتے ایس حلقے توں الیکشن لڑ چکے نیں جہدے وچ اوہناں نوں اک وار فیر کامیابی تے دوجی وار شکست ہوئی۔