نجی ائر لائن ’سیرین ائر‘ دے جہاز نوں اسلام آباد ائر پورٹ اُتے حادثا، مسافراں تے عملے نوں حفاظت نال باہر کڈھ لیا گیا
اسلام آباد(پاکستان پوائنٹ نیوز06۔فروری2017ء) پچھلے دِنا ای ملک اندر اپنی سروس شروع کرن والی نجی ائر لائن ’سیرین ائر‘ دے جہاز نوں اسلام آباد ائر پورٹ اُتے حادثا پیش آیا، جہاز وچ سوار مسافراں تے عملے نوں حفاظت نال باہر کڈھ لیا گیا۔
تفصیل دے مطابق پیر دی سویر ساڈھے 10وجے نجی ائر لائن ’سیرین ائر‘دے جہاز وچ ٹیک آف توں پہلے خرابی ہوئی، ویلے سِر ریسکیو آپریشن
دے ذریعے مسافراں تے عملے نوں حفاظت نال جہاز وچوں کڈھ لیا گیا، ائر پورٹ حکام دے مطابق اسلام آباد ائر پورٹ اُتے نجی ائر لائن دا جہاز گڈی نال ٹکرا گیا، حکام دے مطابق جہاز نوں لینڈنگ دے بعد ٹوکر کے لیاندا جا رہیا سی کہ ٹوہک ٹُٹن نال جہاز پھسل کے گڈی نال ٹکرا گیا۔
یاد رہوے کہ سیرین ائر لائن نے کجھ دن پہلے ای صرف ملک اندر اپنی سروس شروع کیتی سی۔