نواز شریف نوں ممتاز قادری دی شہادت اُتے دِتیاں جان والیاں بد دعاواں قبول ہو رہیاں نیں: سراج الحق

اسلام آباد(پاکستان پوائنٹ نیوز27۔جنوری2017ء) امیر جماعت اسلامی سراج الحق نے سپریم کورٹ دے باہر میڈیا نال گل بات کرد ے ہوئے آکھیا کہ نواز شریف نوں ممتاز قادری دی شہادت اُتے دِتیاں جان والیاں بد دعاواں قبول ہو رہیاں نیں۔اوہناںنے آکھیا کہ ایہ پاناما سکینڈل اوہناں لئی اجیہی دلدل ثابت ہو رہیا اے جہدے وچوں حکمران خاندان نوں کڈھنا نہ ممکن اے۔ سراج الحق دا کہنا سی کہ اسیں ویکھا کہ 52کروڑ رُپئے دے تحفے دِتے تے لِتے جا رہے نیں، سوال

ایہ پیدا ہوندا اے کہ حلال مال نال انج ہوندا اے؟ اوہناں دا کہنا سی کہ جتھے مفت مال ہووے اوتھے دل بے رحم ہو جاندا اے۔ اوہناں دا کہنا سی کہ حکومت نے کوشش کیتی کہ پاناما معاملے اُتے مٹی پاﺅ پالیسی والا کم ہو جائے پر سانوں یقین اے کہ معاملا عدالت دے ہتھ وچ اے تے عدالت ایس ضمن وچ سچائی تے حقیقت تک پہنچ جائے گی تے جو وی پاناما سکینڈل وچ ملوث نیں اوہناں نوں سزا ملے گی تے مجرم سزا توں نہیں بچ سکدے۔