تیجا خط لکھوانا ہووے تے انج لکھو اﺅ، رﺅف کلاسرا نے شریف خانداں نوں مفت مشورا دے دِتا

اسلام آباد(پاکستان پوائنٹ نیوز27۔جنوری2017ء) نجی ٹی وی چینل دے اک پروگرام وچ گل بات کردے ہوئے پرچاکار تے تجزیا نگار رﺅف کلاسرا نے شریف خاندان نوں تیجے خط بارے مفت مشورا دے دِتا۔

تفصیل د ے مطابق رﺅف کلاسرا دا کہنا سی کہ میں شریف خاندان نوں تیجے خط دے حوالے نال اک مفت مشورا دینا واں ، ایہ کہ جدوں تُسیں اگلا لیٹر بنواﺅ تے اوہدے وچ تہانوں دَسنا پئے گا کہ پاکستان توں پیسہ باہر کہڑی شکل وچ تے کیویں گیا سی؟ تُسیں بس ایہ لکھ دیو کہ ساڈا پاکستان وچ سٹیل دا بزنس سی، بھٹو نے اوہنوں نیشنلائز کر دِتا جہدی نتیجے وچ ساڈے اُتے ظلم ہویا۔

جہدے بعد اتفاق فاﺅنڈری دے لاکرز وچ پئے پیسے تے زیورات وی بھٹو دے بندے چُک کے لے گئے تے ساڈے

کول بالاں دے دُدھ لئی وی پیسے نہیں سن، جدوں قطریاں نوں پتا چلیا تے اوہناں نے آکھیا کہ اسیں رلکے سٹیل دا بزنس کرنے آں کیوں جے اسیں سٹیل دے کاروبار دا تجربا رکھدے آں ایس لئی قطریاں نال کاروبار وچ ساڈا پیسہ نہیں بلکہ تجربا شامل سی۔

ساڈے تجربے نوں اوہناں نے پیسیاں دے طور اُتے لیا، اسیں پاکستانیاں دے پیسے باہر منتقل نہیں کیتے۔ قطریاں نے کاروبار وچ ساڈے تجربے نوں ای شیئر دے طور اُتے ٹریٹ کیتا۔

یاد رہوے کہ پاناما کیس وچ قطری شہزادیاں دے خط دے بہت چرچے نیں۔ پاناما کیس وچ ہن قطری شہزادے دے دو خط عدالت وچ جمع کروائے گئے نیں۔

ایس معاملے وچ شریف خاندان نوں مشورا دیندے ہوئے رﺅف کلاسرا نے ہور کیہ آکھیا تُسیں وی سنو!