روس دی سی پیک منصوبے وچ رلت دی خاہش، مودی سرکار دیاں نیندراں حرام ہو گئیاں

اسلام آباد(پاکستان پوائنٹ نیوز19۔دسمبر2016ء) روس نے پاک چین اقتصادی راہداری منصوبے وچ یورایشین اکنامک یونین نوں وی شامل کرن دی خاہش دا وکھالا کیتا اے جہنے مودی سرکار دیاں نیندراں حرام کر دِتیاں نیں۔

میڈیا رپورٹ دے مطابق روس دی پاک چین اقتصادی راہداری وچ ودھدی ہوئی دلچسپی نے بھارتی حکام دیاں نیندراں حرام کر دِتیاں نیں، بھارت خطے وچ اپنے استحکام تے مفاداں لئی پریشانی دا شکار ہو گیا۔

رپورٹ دے مطابق پاک چین دوستی نوں پَکا کرن تے

تجارت دے فروغ لئی اقتصادی راہداری دا منصوبا شروع کیتا گیا جو نہ صرف رابطے پَکے کر رہیا اے بلکہ خطے وچ پاکستان دے اک ایسے دوست نوں ساہمنے لایا جو کہ کُھل کے سی پیک دی حمایت کر رہیا اے۔

رپورٹ دے مطابق روس نے سی پیک دی کُھل کے حمایت کردے ہوئے ہن اعلان کیتا کہ اوہ چاہندا اے کہ سی پیک وچ یورایشین اکنامک یونین وی شامل جائے گا۔

یاد رہوے کہ2015وچ بنائے گئے ایس تجارتی فورم وچ روس، بیلا روس، قازکستان تے ارمینیا سنے کرغزستان شامل نیں۔