24مئی 1998نوں کس طرحاں پاکستانی پائلٹ دی حاضر دماغی نے جہاز نوں ہائی جیک ہون توں بچایا، رلچسپ رپورٹ پڑھو
حیدر آباد(پاکستان پوائنٹ نیوز19۔دسمبر2016ء) پرانے وقتاں دی گل اے کہ 24مئی 1998نوں ہائی جیکرز نے گوادر توں کراچی جان والا مسافر جہاز ہائی جیک کرن دی کوشش کیتی جہنوں پاکستانی پائلٹ دی حاضر دماغی نے ناکام دِتا سی۔
تفصیل دے مطابق جہاز وچ گوادر توں سوار ہون والے تن ہائی جیکراں نے اسلحے دے ذور اُتے جہاز نوں بھارت لیجان دا آکھیا پر جہاز دے پائلٹ نے حاضر دماغی دا وکھالا کردے ہوئے جہاز نوں پاکستان دے شہر حیدر آباد وچ لینڈ کیتاجدکہ ہائی جیکرز نوں دسیا کہ جہاز نوں بھارتی شہر گجرات دے علاقے بھوج وچ لینڈ کیتا گیا اے۔
دوجے پاسے ائر پورٹ دے کنٹرول روم وچ موجود حیدر آباد دے ڈپٹی کمشنر سہیل شاہ تے ایس ایس پی اختر نے ہائی جیکرز نال ہندی وچ گل کیتی
جہدے اُتے اوہناں نوں یقین ہو گیا کہ جہاز نوں بھارت وچ ای لینڈ کیتا گیا اے۔
ایہو نہیں بلکہ ہائی جیکراں نوں شک پین توں بچان لئی حیدر آباد وچ ائر پورٹ دوالے موجود مسجداں دے لاﺅڈ سپیکراں وچ اذان تیکر نہیں دِتی گئی جدکہ رات دے انھیرے وچ پاک فوج دے کمانڈوز نے کامیاب آپریشن کردے ہوئے ہائی جیکرز نوں گرفتار کر لیا۔
ہائی جیکرز دی شناخت صابر، شاہسوار تے شبیر دے ناں نال ہوئی۔ عدالت نے جرم ثابت ہون اُتے تِناں نوں موت دی سزا سُنائی۔
پائلٹ دی حاضر دماغی، پولیس تے انتظامیا دی حکمت عملی نال جہاز نوں بھارت لیجان تے ہائی جیک کرن دے منصوبے نوں ناکام بنا دِتا گیا جدکہ اک کارناما پاکستانی افسراں تے پولیس دی قابلیت دا مونہوں بولدا ثبوت اے۔