اسحاق ڈار نے پاناما لیکس دے حوالے نال درخاستاں اُتے سپریم کورٹ وچ جواب جمع کروا دِتا کدی منی لانڈرنگ وچ ملوث نہیں رہیا: وفاقی وزیر خزانا
اسلام آباد(پاکستان پوائنٹ نیوز04۔نومبر۔2016ء) وفاقی وزیر خزانا اسحاق ڈار نے پاناما لیکس دے حوالے نال درخاستاں اُتے سپریم کورٹ وچ جواب جمع کروا دِتا اے جہدے وچ اوہناں نے آکھیا کہ میں کدی وی منی لانڈرنگ وچ ملوث نہیں رہیا، پرویز مشرف دے دور وچ میرے توں بیان حلفی زبردستی لکھوایا گیا تے میرے اُتے لائے گئے الزاماں دا عدالت فیصلا دے چکی اے۔
تفصیل دے مطابق اسحاق ڈار نے سپریم کورٹ وچ جمع
کروائے گئے جواب وچ آکھیا اے کہ درخاست وچ میرے خلاف بے بنیاد الزام لائے گئے نیں، میرے اُتے لائے گئے الزام کسے متعلقا فورم اُتے نہیں چُکے گئے، میرے خلاف چیئرمین سینٹ ولوں کوئی ریفرنس نہیں گھلیا گیا۔
اوہناں دا کہنا سی کہ اوہ کدی وی منی لانڈرنگ وچ ملوث نہیں رہے، درخاست وچ میرے بیان حلفی نوں بنیاد بنایا گیا۔ بیان حلفی پرویز مشرف دے دور وچ میرے کولوں زبردستی لکھوایا گیا سی۔