خاوند دا دھوکھا، سابق ائر ہوسٹس مقامی عدالت وچ کھان پین وستاں ویچن اُتے مجبور

لاہور(پاکستان پوائنٹ نیوز03۔نومبر۔2016ء) سوانی آکھن نوں تے مرد اُتے انحصار کردی اے پر مشکل ویلے وچ سوانی توں زیادا باہمت تے حوصلہ مند ہور کوئی نہیں ہو سکدا۔ ایسی ای اک مثال سابق ائر ہوسٹس بشری بی بی نامی سوانی نے قائم کیتی اے جہنے خاوند پِچھے اپنی نوکری تے گنوائی ای پر بعد وچ خاوند نے وی اوہنوں دھوکھا دے دِتا۔ بشری بی بی نے شوہر توں دھوکھا کھان تے نوکری گنوان دے بعد ہمت نہیں ہاری تے اپنےاں دوویں دھیاں نوں پالن لئی مقامی عدالت وچ عارضی دُکان کھول لئی، بشری بی بی رستم پارک دی رہن والی

اے جو شام 4توں 5 وجے تیکر مقامی عدالت دے احاطے وچ مختلف کھان پین وستاں تیار کرن دے بعد اوہناںنوں ویچدی اے تے انج اپنے تے اپنے بالاں دا ڈھڈ بھردی اے۔ عدالت آن والے وکیل تے سائل دوویں ای بشری بی بی توں شیواں لے کے کھاندے نیں جو اوہدی ہمت تے ایمانداری دی داد وی دیندے نیں، بشری بی بی نے حکومت توں اپیل کیتی اے کہ اوہنوں عدالت وچ ای کوئی مستقل تھاں دِتے جائے جتھے اوہ اپنیاں کھان پین وستاں ویچ کے اپنا تے اپنے بالاں دا ڈھڈ بھر سکے تے اوہناں نوں چنگی تعلیم دوا سکے۔