لاہور(پاکستان پوائنٹ نیوز24۔اکتوبر۔2016ء) اداکارا نرگس نے آکھیا اے کہ نیک نیتی تے لگن نال کم کیتا جائے تے خدا وی مایوس نہیں کردا،اداکاری اصل وچ اپنی ذات دی نفی ہوندی اے جو اداکار اپنی ذات دے اُلٹ حقیقت دے نیڑے ہو کے کردار نبھاندا اے اوہی اصل فنکار اے۔
اک انٹرویو وچ اوہناں نے آکھیا کہ اداکاری کرنا ہر اک دے وَس دی گل نہیں اے۔ اوہناں نے آکھیا کہ
انج دے وی اداکار ہیں نیں جو سکرپٹ وچ اپنے کردار نوں ایس طرحاں اپنے اُتے حاوی کر لیندے نیں کہ ایہ پتا ای نہیں چلدا کہ کوئی کردار نبھا رہیا اے۔
نرگس نے آکھیا کہ نویں آن والیاں لئی ایہو سبق اے کہ جو کم وی کرنا اے اوہ نیک نیت تے لگن نال کیتا جائے۔ اوہناں نے آکھیا کہ جے کم نیک نیت تے لگن نال کیتا جائے گا تے فیر خدا وی اوہنوں مایوس نہیں کرے گا۔